Fred Durst

Der Artikl is im Dialekt Soizkaummaguadlarisch gschriem worn.

Da Fred Durst (* 20. August 1970 in Jacksonville, Florida) is a US-amerikanischa Sänga, Regissöa und Frontmau vo da Band Limp Bizkit.

Mid Limp Bizkit is da Durst Fred zu oan vo de greßtn Rockstars in de spädn 90er Joar woan. Limp Bizkit is da Durchbruch mid ana Cova-Version vom George Michael seim Faith gelungen. An großn Aunteil drau hod da Fernsehsenda MTV ghobt der den Song häufig gspüd hod. Es hod nu aundare Hits gem, wia "Nookie", "Break Stuff", "Take A Look Around", "Rollin'", "My Generation" und "Behind Blue Eyes".

Im Aprü 2007 hod da Fred Durst sein easchtn Füm, bei dem a Regie gfüad hod, voagschdöd. Beim "Tribeca Film Festival" hod a guade Kritikn vo bekaunte Regisseure eahoidn. Da Fred hod schau in da Kurz Serie "Revelations", beim Thriller "Population 436" und bei "Dr. House" ois Nebnrolle midgschpüd.